Miss Ray World 2008 (Mandalay)

ထူးခြားဆန်းသစ်မှုတွေနဲ့အတူ မန္တလေး Ray World Co. Ltd ကကျင်းပတဲ့ ရောင်စဉ်ကမ္ဘာထဲက ချစ်စဖွယ်၊ သွက်လက် ဥာဏ်ပညာထက်မြက်သော အလှရှာပုံတော် Miss Ray World 2008 ပြိုင်ပွဲကို ဇွန်လ ၂၆ ရက်နေ့က မန္တလေးမြို့ ၇၇လမ်း နှင့် ၇၈လမ်း၊ ၃၂ လမ်းနှင့် ဇောတိကလမ်းကြားရှိ Ray World Complex မှာ ပြုလုပ်ကျင်းပ ပါတယ်။

ခမ်းနားစွာကျင်းပတဲ့ ဒီပြိုင်ပွဲမှာ အခမ်းအနားမှူးအဖြစ် မတင်မိုးလွင်က ဆောင်ရွက်ပါတယ်။ DENOBO တေးဂီတရဲ့ ဖျော်ဖြေတင်ဆက်မှုများနှင့်အတူ Talents & Models ရဲ့တင်ဆက်မှု အစီအစဉ်များ၊ ဒီဇိုင်နာ မရူပါရွှေရဲ့ ဖက်ရှင်ဒီဇိုင်းပြပွဲ၊ အောင်လွင်(အမရပူရ)ရဲ့ မိတ်ကပ်၊ ဆံပင် တီထွင်ဆန်းသစ် တီထွင်မှုများကို ဖျော်ဖြေ တင်ဆက်ပါတယ်။

တက်ရောက်လာကြတဲ့ ဧည့်ပရိတ်များမှ ပေါ်ပြူလာ အဖြစ်ဆုံးမော်ဒယ်တစ်ဦးကို မဲစနစ်နဲ့ ရွေးချယ်စေခဲ့ရာ ဇွန်ဖွေးဥက Popular Choice ဆုကို ရရှိပါတယ်။

ဆက်လက်ပြီး စပွန်ဆာ ကုမ္ပဏီများရဲ့ စိတ်ကြိုက်မော်ဒယ်များကို ရွေးချယ်ခဲ့ရာမှာ ရှိုင်းသူသူမောင် က The Best Choice of Sweety Home ၊ ထိုက်ဆုဝင်းက Primier Choice ၊ စုမွန်မွန်ကျော်က မင်းသီဟ Choice ၊ သျှားဝေက Golden Mountain Choice ၊  ရွှေစင်က Beautiful Face Choice ၊ မင်းမင်းဟန် က Special Girl Choice ၊ မင်းမင်းဟန် က Olympia Choice ၊ ဇွန်ပွင့်ဖြူက Idea Choice ၊ မြတ်ဇင်မာထွန်းက Desingner Choice အသီးသီးရရှိကြပါတယ်။

အစီအစဉ်ရဲ့ နောက်ဆုံးမှာတော့ Miss Ray World 2008 ကြေငြာပေးဖို့ မတင်မိုးလွင်က အိတ်ပိတ်ထားတဲ့ စာအိတ်ကို ဖွင့်ဖောက်ကြေ ငြာရာမှာ လင်းလက်အောင်ကျော်က Miss Ray World 2008 ကို ရရှိပါတယ်။