Wednesday, June 18, 2008

သဘင်ပညာရှင်များရဲ့မုန်တိုင်းအတွက် စုပေါင်းအလှူ

မုန်တိုင်းဒဏ်သင့် ဘ၀တူ မန္တလေးသဘင်အပေါင်းအသင်းများအား
ဘ၀တူအပေါင်းအသင်းများမှ ကူညီလှူဒါန်းမှု အခမ်းအနားကို ၃၉ လမ်း၊ ၈၀ နှင့်
၈၁ လမ်းကြားရှိ စိန်ဓူဝံ ဆိုင်းအဖွဲ့တည်ရာဌာန၌ ဇွန်လ ၁၈ ရက်နေ့ နံနက် ၁၁
နာရီက ကျင်းပပြုလုပ်ပါတယ်။ အခန်းအနားမှူးအဖြစ် ကိုမောင်မော် (ဘိသိက်ဆရာ)က
ပြုလုပ်ပြီး လူရွှင်တော်ကြီးများ၊ အငြိမ့်၊ ဆိုင်း၊ ဇတ်၊
ဘိသိက်ပညာရှင်များ၊ မင်းသမီးများနှင့် စာနယ်ဇင်းဆရာများတက်ရောက်ပါတယ်။
အခမ်းအနားမှာ လူရွှင်တော်ဦးမြသာမှ အမှာစကားပြောကြားပါတယ်။ မန္တလေးမြို့မှ
လူရွှင်တော်များနှင့် အငြိမ့်၊ ဆိုင်း၊ ဇာတ်၊ ဘိသိက် ပညာရှင်များ၊
မင်းသမီးများစုပေါင်းကာ နာဂစ်မုန်တိုင်းခံခဲ့ရသော ခေတ်လူဇော်
ဇာတ်သဘင်အဖွဲ့မှ အဖွဲ့သားများကို ငွေကျပ်တစ်သောင်း၊ ဆန်နှစ်ပြည်၊
အ၀တ်အထည်နှင့် ပုဂံခွက်ယောက်များကို အဖွဲ့ဝင်တစ်ဦးစီလက်သို့ လက်ရောက်
ပေးအပ်ပါတယ်။ ဇာတ်ဆရာဦးတင်ဝင်းမှကျေးဇူးတင်စကားပြောကြားရာ
ခေတ်လူဇော်ဇာတ်သဘင်အဖွဲ့သည် နာဂစ် မုန်တိုင်းတိုက်ခတ်စဉ်က ဇာတ်ပွဲကပြရန်
လပ္ပတ္တာမြို့နယ်တွင် ရှိနေခဲ့ပြီး မုန်တိုင်းဒဏ်ခံခဲ့ရခြင်းဖြစ်ကြောင်း၊
ရင်ခေါင်းလောက်ထိ ရေ၀င်လာသော်လည်း အဖွဲ့သားများ တစ်ယောက်မှာ
သေဆုံးခြင်းမရှိခဲ့ကြောင်း၊ သို့သော်လည်း ဇာတ်ပစ္စည်းများမှာ ရေနှင့်အတူ
မျောပါသွားပြီး ဆုံးရှုံးမှုများရှိကြောင်းနှင့် ယခုကဲ့သို့
ကူညီထောက်ပံ့မှုများအတွက် ကျေးဇူးတင်ကြောင်း ပြောကြားသွားပါတယ်။
မန္တလေးမြို့မှ လူရွှင်တော်များနှင့် အငြိမ့်၊ ဆိုင်း၊ ဇာတ်၊
ဘိသိက်ပညာရှင်များ၊ မင်းသမီးများစုပေါင်းကာ ဇွန်လဆန်းပိုင်းက
မန္တလေးမြို့တွင်း အနုပညာလုပ်အားဒါနဖြင့် လှည့်လည်အလှူခံရာ အလှူငွေ ၈၅
သိန်းလက်ခံရရှိခဲ့ပါတယ်။ ကျပ်သိန်း ၅၀ အား ဘိုကလေးမြို့နယ်၊ သကန်တောရ
ဆရာတော် ရှင်စန္ဒေဘာသအားလှူဒါန်းမည်ဖြစ်ပြီး ကျပ် ၁၅ သိန်းအားနှင့်
အ၀တ်အထည်(၆)တန်ကားနှစ်စီးတိုက်အား လှိုင်သာယာမြို့နယ်၊ အောင်ဇေယျာမင်း
ပရဟိတ မိဘမဲ့ကလေးများကျောင်းသို့ သွားရောက်လှူဒါန်းမည်ဖြစ်ပါတယ်။
အဆိုပါလှူဒါန်းမှုကို သွားရောက်လှူဒါန်းနိုင်ရေးအတွက်
ဂီတစာဆိုအကယ်ဒမီစိန်မိတ္တား၊ စိန်ဓူဝါး၊ ဦးမောင်မော်၊ ဦးကျော်ကြား၊
ဦးချစ်စရာ၊ ဦးဂွတ်ရှယ်၊ ဦးမင်းသူရ၊ ဦးမျိုးသန့်တို့မှ
ဇွန်လ(၁၈)ရက်နေ့ မီးရထားဖြင့် မန္တလေးထွက်ခွာကာ
လှူဒါန်းမှုများပြုလုပ်သွားမည်ဖြစ်ကြောင်းသိရပါတယ်။

2 comments:

Anonymous said...

Concentrate to the things that could give information to the people.

Anonymous said...

Thanks to the owner of this blog. Ive enjoyed reading this topic.