ဒီရက်ပိုင်း ရတနာပုံသတင်းစာနဲ့ မန္တလေးသတင်းစာတွေမှာ မိဘမဲ့ကလေးစောင့်ရှောက်ရေးကျောင်းတွေမှာ အလှူတွေလုပ်ကြတာကို နေ့စဉ်လိုလို ဖတ်နေရတယ် ....
မနေ့က(၁၁-၇-၂၀၀၇)ရက်နေ့ထုတ် ရတနာပုံသတင်းစာရဲ့ ကြော်ငြာအထူး(ဂ)စာမျက်နှာပါ “နှိုးဆော်လွှာ” ဆိုတဲ့ ခေါင်းစဉ်နဲ့ ကြော်ငြာလေးတစ်ခုက ဖတ်လိုက်ရတယ် ......“သူငယ်ချင်းများအဖွဲ့”က အလှူခံထားတဲ့ ကြော်ငြာပါ ..... မန္တလေး ပြည်ကြီးတံခွန်မြို့နယ်၊ တံခွန်တိုင်တမာတန်းအရှေ့ဖက် ရဲဘော်ကွက်သစ်ရပ်ကွက်မှာရှိတဲ့ ပြည်လုံးချမ်းသာပရဟိတမိဘမဲ့ တိုင်းရင်းသားကလေးများကျောင်းကို လစဉ်လကွယ်နေ့တိုင်းတစ်နေ့တာ ကျွေးမွေးဖို့ဖြစ်ပါတယ် ......
အမ်ဘီအိုအေမိဘမဲ့ကလေးများ ပညာသင်ကြားရေးကျောင်း၊ အေးရိပ်မွန်-မိဘမဲ့အမျိုးကလေးများ စောင့်ရှောက်ရေးကျောင်း၊ လူမူဝန်ထမ်းက စွန့်ပစ်ခံမိဘမဲ့ကလေးများကျောင်း၊ ပေတော-မိဘမဲ့ကျောင်း၊ အစရှိတဲ့ ကျောင်းတွေအများကြီးရှိပါတယ်။ မိဘမဲ့ကျောင်း၊ ပရဟိတကျောင်းတွေအများကြီးပါ။
အနယ်နယ်အရပ်ရပ်က မိဘမဲ့ကျောင်း၊ ပရဟိတကျောင်းတွေကို သိချင်ပါတယ်။ sayaba.mdy@gmail.com ကို အကြောင်းကြားပေးကြဖို့ တိုက်တွန်းပါတယ်။
No comments:
Post a Comment