မူဆယ်ကို တစ်ခေါက်ရောက်ခဲ့ပြန်တယ်
အောက်တိုဘာလ ၉ ရက်နေ့ကသွားပြီး ၁၂ ရက်နေ့ညကားနဲ့ မန္တလေးကို ပြန်ခဲ့တယ်
အသွားက စလွန်းကား စီးလုံးဌားသွားတော့ အဆင့်ပြေတယ်
အပြန်က Power 5 ရဲ့ VIP ကားနဲ့ပြန်လာတာ
ကားကတော့ အဆင်ပြေပါတယ်
တောင်ပေါ်လမ်းဆိုတော့ အခန့်မသင့်ရင် မူးတာလေးပါပဲ
အဆင်မပြေတာက ဘာကြောင့်မှန်းမသိ ကားတွေပိတ်တာ
ပိတ်တာမှ တော်တော်ကိုဆိုးတယ်
ကိုယ်စီးတဲ့ကားက ဂိတ်ကနေ ၃ နာရီဆိုပေမယ့် ၃ ခွဲလောက်မှ စထွက်တယ်
မူဆယ်မြို့မှ နုတ်ခွန်းဆက်သပါ၏ ဆိုတဲ့ဆိုင်းဘုတ်ကျော်ပြီး ဓာတ်ဆီဆိုင်တွေနားရောက်ခါနီးမှာ
ကားတွေစပိတ်တော့တာပဲ
အဲဒီနေရာမှာတင် ၅ နာရီလောက်အချိန်ကုန်သွားတယ်
ဘာကြောင့်ရယ်လို့ သေသေချာချာ မေးလို့မရဘူး
စစ်ဆေးရေးဂိတ်က ကြာတာလိုလို
Mobile Team ကပဲ ရစ်လို့ကြာတာလိုလို
ဟိုလိုလို ဒီလိုလိုနဲ့ ဘယ်ကမှ ကောင်းကောင်းအဖြေမရဘူး
နောက်ဆုံးတော့ ကိုယ်တွေပဲ ဒုက္ခရောက်ကြရတယ်
ညစာစားချိန်ဆိုတော့ ဗိုက်ဆာကြပြီပေါ့
ကြီးကြီးငယ်ငယ် အားလုံး ဗိုက်ဆာလို့ အသံတွေထွက်လာပြီ
ကားပိတ်မိတဲ့နေရာမှာ ဘာမှ ၀ယ်လို့ကမရ
ရှေ့လည်းတိုးလို့မရ နောက်လည်းဆုတ်မရ
ကားသမားတွေကို အကူအညီတောင်းပြီး ဂိတ်ကတစ်ယောက်ယောက်ကို ၀ယ်ပြီး လာပို့ခိုင်းလို့ရနိုင်ဘူးလားဆိုတော့
ဂိတ်ကပိတ်သွားပြီတဲ့
အချိန်က ၇ နာရီလောက်တော့ ရှိနေပြီ
ဂာားဂိတ်ကလည်း အကူအညီမရနိုင်
ဖြစ်ချင်တော့ ယာဉ်မယ်က မူဆယ်သူဖြစ်နေလို့ တော်သေးတယ်
သူ့အိမ်ကိုလှမ်းပြီး ဖုန်းဆက်။ ထမင်းတွေ ဟင်းတွေမှာတယ်
ဒါတောင် သူမှာတာက ကားဆရာတွေအတွက်ပါ
ဒါကိုကြားလို့ ကျွန်တော်တို့ကိုလည်း မှာပေးပါဗျာဆိုတော့မှ စားဖို့အတွက်အဆင်ပြေတယ်
No comments:
Post a Comment